ಹಳ್ಳಿ ಹೈದನ್ ಪ್ರೀತಿ ವರ್ಸೆ

ಪಾಪಸ್ಕಳ್ಳಿ, ಹಲ್ಸಿನ್ ಸಿಪ್ಪೆ
ಒರ್ಟು ಮಾತ್ನಂಗೆ
ಮೌನದಷ್ಟೇ ಹಿತ ಐತೆ
ಕಾಣಿಸ್ದಂಗೆ ಒಳ್ಗೆ
ಮಾತಿನ ಚಾಟಿ ಏಟು ಕೊಟ್ಟೆ
ಬೆಣ್ಣೆ ಸವ್ರಿದ್ ಮೌನ
"ನಾನ್ ನಿನ್ನೌಳು ಅಲ್ಲಾ" ಅಂದೇ
ಅಂದ್ರೆ, ನಾನ್ ನಿನ್ನೌನಾ??!!

ಕಾಗೆ ಬಣ್ಣ ನಿಂದು ಅಂದ್ರೇ
ಸಿಟ್ಟ್ಯಾಕೇ ಮೂದೇವಿ ??
ನಾನೂ ಕಾಗೆ, ನನ್ ಕಣ್ಣಿಗೆ
ನೀನೇ ಕಪ್ ಶ್ರೀದೇವಿ
ಪ್ಯಾಟೆ ಹುಚ್ಚು ಹಿಡ್ಸ್ಕೊಂಡೀಯ
ಹಳ್ಳಿ ಹುಡುಗ್ರೇ ಮೇಲು
ಕಟ್ಕೋ ನನ್ನ ಆಮೇಲ್ನೋಡು
ಬಂಗಾರ ನಿನ್ ಬಾಳು

ಅಪ್ಪ ಮಾಡಿಟ್ಟೌರೆ ಆಸ್ತಿ
ನಾನೋಬ್ನೇ ವಾರುಸ್ದಾರ
ರಾಜ ರಾಣಿ ಹಂಗೆ ಇರ್ತೈತ್
ನಮ್ಮಿಬ್ರ ಸಂಸಾರ
ನಿನ್ನಪ್ಪ ಸಿಡಿ ಮೂತಿ ಸಿದ್ದ
ಅವ್ನ್ಕಂಡ್ರೆ ನಂಗ್ ಭಯ
ನೀನೇ ಒಸಿ ಹೇಳ್ಬಾರ್ದಾ
ಯಾವ್ದಾರಾ ಉಪಾಯ

ಕಬ್ಬಿನ್ ಗದ್ದೆ ಐತೆ ನಮ್ಗೆ
ಫಾರಿನ್ ಟೂರು ಯಾಕೆ ??
ಊರ್ನಾಗೇ ಟೆಂಟ್ ಇಲ್ವಾ
ಕದ್ದು ಪಿಚ್ಚರ್ ನೋಡೋಕೆ
ಸಿಕ್ಬಿದ್ರೆ ಒಳ್ಳೆದಾಯ್ತು
ದ್ಯಾವ್ರು ನಡ್ಸ್ದಂಗ್ ಆಟ
ಬೇಗಾ "ಸರಿ" ಅಂತ ಒಪ್ಕೊಡ್
ತಾರೆ ಹಾಲಿನ್ ಲೋಟ

ಇದ್ದಿದ್ ಇದ್ದಂಗ್ ಹೇಳ್ದೆ ಅಂತ
ಬ್ಯಾಸ್ರ ಬ್ಯಾಡೇ ಚನ್ನಿ
ಕೈ ಬಿಡಾಕ್ಕಿಲ್ಲಾ ಅಂತ
ಆಣೆ ಮಾಡ್ಹೇಳ್ತೀನಿ
ನಿಂಗೆ ಇಷ್ಟ ಅಂತ ನೋಡು
ಬರ್ದೇ ಒಂದು ಪದ್ಯ
ಕದ್ದಿದ್ದಲ್ಲಾ ಸ್ವಂತದ್ ಕಣೇ
ನಂಬು ನನ್ ಮಾತ್ ಸತ್ಯ .......

                     --ರತ್ನಸುತ 

Comments

  1. ಬಾಸೂ ಅಂತ ಶ್ರೀದೇವಿಯೂ ಮೇಕಪ್ಪು ತೆಗೆದರು ಇದ್ದಾಳು ನೀನೇ ಕಪ್ ಶ್ರೀದೇವಿ!

    ಒಳ್ಳೆ ಹಳ್ಳಿ ಲವ್ವರು ತಾವು!!!

    ReplyDelete

Post a Comment

Popular posts from this blog

ಜೋಡಿ ಪದ

"ಪಾಸ್ವರ್ಡ್" - RESET ಆಗ್ತಿರ್ಲಿ ಆಗಾಗ!!!

ಗರುಡ ಪ್ರಯತ್ನ ೩