Sunday, 17 August 2014

ಶಪಿತ ಹನಿ

ತಾವರೆ ಎಲೆಯ ಹನಿಗಳ ಸೊಬಗು
ಲೋಕಕೆ ಅನಿಸಿತು ಮುತ್ತಿನ ತಡಿಕೆ;
ಒಲ್ಲದ ಮನಸಿನ ಎಲೆಯ ಮಡಿಲಲಿ
ಹನಿಗಳ ಹಿಂಸೆಯ ಸ್ವಗತದ ಕುಡಿಕೆ!!

ಬೆಳಕಿಗೆ ಎಲ್ಲವ ಕೆದಕುವ ಚಾಳಿ
ಕುಂಟಿತ ಹನಿಯನೂ ಕೆರಳಿಸಿಕೊಂಡು;
ಕವಿಗೋ ಮಾಡಲು ಕೆಲಸವೇ ಇಲ್ಲ
ಕೂತನು ಗೀಚುತ ಊಹಿಸಿಕೊಂಡು!!

ಎಲೆ ತಳದಲಿ ಎಷ್ಟೋಂದು ನೀರು
ಆಳ, ವಿಸ್ತಾರದ ಅನುಭವವಿದೆ;
ಹನಿಗೋ ಬೀಳ್ಗೊಡುಗೆಯ ಋಣವಿಲ್ಲ
ಕಪ್ಪೆಯ ಕಣ್ಣೀರಿಗೂ ಕಡೆಯಾಗಿದೆ!!

ತಾವರೆ ಪಕಳೆಯಲೂ ಇದೇ ಸುದ್ದಿ
ಚಂದ್ರನ ಜೊನ್ನಾದರೂ ಅಲ್ಲಿ ರದ್ದಿ;
ದಾಹಕೆ ಧಾವಿಸದ ಶಪಿತ ಜಲ 
ಹರಿವಿಗೆ ಸಲ್ಲದೆ ಪೂರ್ಣತೆಯಿಲ್ಲ!!

ಪಾಡುವ ಭಾವಕೆ ಹಿಂಗುವುದಲ್ಲದೆ
ಪಾಪವ ಎಸಗದ ಈ ಪರಿ ಪಾಪಿ;
ಹೊಳೆವ ಹಲವು ಬಗೆಯೊಳಗೊಂಡೂ
ಪ್ರಕೃತಿಯ ಸಹಿಸದ ಮುಂಗೋಪಿ!!

-- ರತ್ನಸುತ

No comments:

Post a Comment

ನನ್ನ ಕನಸು

ಪಕ್ಕದಲ್ಲೇ ನನ್ನ ಕನಸಿಗೆ ನಿದ್ದೆ ಹೊದಿಸಿ ನಾ ಎಚ್ಚರಗೊಂಡಿರುತ್ತೇನೆ ತೂಗು ತೂಕಡಿಕೆಯಲಿ, ನಡು ರಾತ್ರಿ ಮಂಪರಲಿ ... ಪೂರ್ತಿ ಮೈ ಮರೆಯದೆ, ಗೊರಕೆ ಹೊಡೆಯದೆ ಕೈ-ಕಾ...