ಕತ್ತಲು ಹಡೆದ ಬೆಳಕು
ಕತ್ತಲನ್ನೇ ನುಂಗಿತು;
ಕೊನೆಗೆ ಬೆಳಕು ಸತ್ತಾಗ
ಕತ್ತಲೇ ಬೇಕಾಯಿತು!!
ಒಂದು ಕಿಚ್ಚಿನಂತರದ ಈರ್ವರಲ್ಲಿ
ಒಂದನ್ನೊಂದು ಮರೆಸುವ ಸಾಹಸ;
ಕತ್ತಲು ಸರ್ವಕಾಲಿಕ ಸತ್ಯ
ಬೆಳಕು ಸಿಂಗಾರಮಯ ಸುಳ್ಳು!!
ವಿಕೃತಿ, ಪ್ರಕೃತಿಗಳೆಲ್ಲವೂ
ಒಪ್ಪುವಂಥ ಕೃತಿಗಳೇ
ತಾಮಸ ತವರೂರ ಕೋಣೆಯಲಿ;
ಅದು-ಇದು, ಹಾಗೆ-ಹೀಗೆ
ಯಾವುದಾವುದೋ ಅವಾಂತರಗಳು
ಬೆಳಕ ಬೆಂಬಲಿಸಿದವುಗಳಲಿ!!
ಕತ್ತಲ ಕಣ್ಣಿಗೆ ವಿವಸ್ತ್ರವೂ ವಸ್ತ್ರ,
ಖಾಲಿತನವೂ ಅಪ್ರತಿಮ ಕಲೆ,
ಪೋಲಿತನ ಪಕ್ವಗಣ್ಣಿನ ನೋಟ;
ಬೆಳಕು ಎಲ್ಲೆಲ್ಲೂ ಮೂಗು ಇಣುಕಿಸಿ
ಅಣುಕಿಸುವ ವ್ಯಂಗ್ಯಕಾರ,
ಬಣ್ಣವನ್ನೂ ನಿಗ್ರಹಿಸುವ ಸರ್ವಾಧಿಕಾರ!!
ಮನಸಿಗೆ ಉರಿವ ದೀಪಕ್ಕಿಂತ
ಅಡಿಯ ನಿಮ್ಮಳ ಕತ್ತಲ ಮೋಹ;
ಬೆಳಕ ಪ್ರಶ್ನೆಗಳಿಗೆ ನಿರುತ್ತರವಾದರೆ
ಕತ್ತಲ ಉತ್ತರಗಳಿಗೆ ಇನ್ನೂ ಪ್ರಶ್ನೆಗಳೇ ಹುಟ್ಟಿಲ!!
-- ರತ್ನಸುತ
ಕತ್ತಲನ್ನೇ ನುಂಗಿತು;
ಕೊನೆಗೆ ಬೆಳಕು ಸತ್ತಾಗ
ಕತ್ತಲೇ ಬೇಕಾಯಿತು!!
ಒಂದು ಕಿಚ್ಚಿನಂತರದ ಈರ್ವರಲ್ಲಿ
ಒಂದನ್ನೊಂದು ಮರೆಸುವ ಸಾಹಸ;
ಕತ್ತಲು ಸರ್ವಕಾಲಿಕ ಸತ್ಯ
ಬೆಳಕು ಸಿಂಗಾರಮಯ ಸುಳ್ಳು!!
ವಿಕೃತಿ, ಪ್ರಕೃತಿಗಳೆಲ್ಲವೂ
ಒಪ್ಪುವಂಥ ಕೃತಿಗಳೇ
ತಾಮಸ ತವರೂರ ಕೋಣೆಯಲಿ;
ಅದು-ಇದು, ಹಾಗೆ-ಹೀಗೆ
ಯಾವುದಾವುದೋ ಅವಾಂತರಗಳು
ಬೆಳಕ ಬೆಂಬಲಿಸಿದವುಗಳಲಿ!!
ಕತ್ತಲ ಕಣ್ಣಿಗೆ ವಿವಸ್ತ್ರವೂ ವಸ್ತ್ರ,
ಖಾಲಿತನವೂ ಅಪ್ರತಿಮ ಕಲೆ,
ಪೋಲಿತನ ಪಕ್ವಗಣ್ಣಿನ ನೋಟ;
ಬೆಳಕು ಎಲ್ಲೆಲ್ಲೂ ಮೂಗು ಇಣುಕಿಸಿ
ಅಣುಕಿಸುವ ವ್ಯಂಗ್ಯಕಾರ,
ಬಣ್ಣವನ್ನೂ ನಿಗ್ರಹಿಸುವ ಸರ್ವಾಧಿಕಾರ!!
ಮನಸಿಗೆ ಉರಿವ ದೀಪಕ್ಕಿಂತ
ಅಡಿಯ ನಿಮ್ಮಳ ಕತ್ತಲ ಮೋಹ;
ಬೆಳಕ ಪ್ರಶ್ನೆಗಳಿಗೆ ನಿರುತ್ತರವಾದರೆ
ಕತ್ತಲ ಉತ್ತರಗಳಿಗೆ ಇನ್ನೂ ಪ್ರಶ್ನೆಗಳೇ ಹುಟ್ಟಿಲ!!
-- ರತ್ನಸುತ
No comments:
Post a Comment