Wednesday 19 March 2014

ಮರಳಿ ಮಣ್ಣಿಗೆ !!

ಮಾರುಕಟ್ಟೆಯ ಹೂವು
ಕೊಂಡವರ ಪಾಲು;
ಮೊಳದಲ್ಲಿ, ಬಿಡಿಯಾಗಿ,
ಮಾರಾಗಿ, ಇಡಿಯಾಗಿ

ಹರಿದು ಹಂಚಿಬಿಟ್ಟ
ವ್ಯಾಪಾರಿ ಪಾಲಿಗೆ
ತಟ್ಟದ ಶಾಪ!!

ಮಾರಿದವ,
ಕೊಂಡವರ ಕುರಿತು
ಕಿಂಚಿಷ್ಟೂ ಕೋಪ-
-ಗೊಳ್ಳದ ಹೂವಿಗೆ
ಯಾವ ಮುಡಿ ನೆಲೆಯೋ?!!

ಪೂರ್ಣತೆಯ ಹಾದಿಯಲಿ
ಮೈಲಿಗಲ್ಲುಗಳಾವೂ 
ಇಲ್ಲದ ಪಯಣ;
ಮೊಗ್ಗಾಗಿ, ಹೂವಾಗಿ
ಬಾಡುದುರಿದ ಪಕಳೆ
ಮಣ್ಣಲ್ಲಿ ಮಣ್ಣಾಗಿ.....

ಹಿಂದಿರುಗಿ ನೋಡುವುದು
ತನ್ನ ಸವತಿ 
ತನ್ನೊಡತಿ ಮಡಿಲಲ್ಲಿ,
ಅಡಿಯಲ್ಲಿ, ಮುಡಿಯಲ್ಲಿ,
ಒತ್ತಾಯ ಜಡದಲ್ಲಿ,
ತನ್ನಂತೆ ಕಡೆಯಲ್ಲಿ.....

ಮರಳಿ ಮಣ್ಣಿಗೆ !!

                -- ರತ್ನಸುತ

No comments:

Post a Comment

ಅತಿ ಮಧುರ ಅನುರಾಗ

ಅತಿ ಮಧುರ ಅನುರಾಗ  ನಿನ್ನೊಲವ ಮಳೆ ಹನಿಗೆ  ಮಿಂದಿರಲು ಮನಸಿದು     ನಿಂತು ನಿಂತು ಬೀಸಿದಂತೆ  ಸಂಜೆ ತಂಪು ಗಾಳಿ  ಅಂಕೆ ಮೀರಿ ಬರುವ ಮಾತು  ಹಾಕಬೇಕೇ ಬೇಲಿ  ಜೊತೆ ಇರಲು ...