ನೆನಪುಗಳೇ ಹೀಗೆ

ಎದೆ ಮೇಲೆ ವಜೆ ಇಟ್ಟು
ಹಾರದಂತೆ ಕಾಯ್ದುಕೊಂಡೆ
ಸುಕೋಮಲ ನೆನಪುಗಳ
ಜೋಪಾನ ಪಡಿಸಿ;
ಎಲ್ಲಿಂದಲೋ ಹಾರಿ ಬಂದು
ಮಧ್ಯೆ ನುಸುಳಿಕೊಂತು
ತುಂಟ ನೆನಪು,
ಮೇಲೊಂದು ಹುಸಿ ಹಾಳೆ
ಮರೆಸಿಟ್ಟೆ ಹಾಗೇ!!

ನಾ ಅಂದು ಬಿಕ್ಕಿದಾಗ
ಆಕೆ ಕೊಟ್ಟು ಹೋದ
ಕರವಸ್ತ್ರದ ಕಸೂತಿಯಲ್ಲಿ
ಗುಪ್ತವಾದ ಹೆಸರು
ನನ್ನದೋ, ಆಕೆಯದೋ?
ಇನ್ನೂ ಪತ್ತೆ ಹಚ್ಚಲಿದ್ದೇನೆ;
ಹೊತ್ತು ಮುಳುಗೆದ್ದು
ಮತ್ತೆ ಹೊದ್ದು ಮುಳುಗಲಿದೆ!!

ಅದೆಷ್ಟೋ ಕಣ್ಣುಗಳು
ಕೆಣಕುವ ನೋಟದಲ್ಲಿ
ಮೆಲುಕು ಹಾಕಿಕೊಂಡ
ಪ್ರಣಯವನ್ನು
ದಾಖಲು ಮಾಡಲಾಗದೆ 
ಸೋತ ಪ್ರಯತ್ನಗಳು
ತೀರದ ಅಧ್ಯಾಯಗಳಂತೆ
ಎದುರು ಚೇಲ್ಲಾಡಿಕೊಂಡಿವೆ!!

ಹೆಜ್ಜೆ ಗುರುತುಗಳು ಕವಲೊಡೆದು
ದಿಕ್ಕಾಪಾಲಾಗಿ
ಯಾವು ಯಾರವು ಎಂದು
ಶೋಧಿಸುವಲ್ಲೇ ಅರ್ಧ ಜನುಮ;
ಇನ್ನುಳಿದದ್ದು ಹಿಂಬಾಲಿಕೆಗೆ
ಕಾಡು-ಮೇಡು, ಬೆಟ್ಟ-ಇಳಿಜಾರು
ನೀರಲ್ಲೂ ಗುರುತಿಟ್ಟು
ತಲುಪುವುದೇ ಆಯಿತು!!

ಏನನ್ನೂ ಮರೆವಂತಿಲ್ಲ, 
ಯಾವೊಂದನ್ನೂ ತೊರೆವಂತಿಲ್ಲ;
ಎಲ್ಲವೂ ಸೂಕ್ಷ್ಮಾತಿ ಸೂಕ್ಷ್ಮ
ಜೇವನ ಸೂಚ್ಯಗಳೇ;
ವಜೆ ತುಸು ಭಾರದ್ದೇ ಬೇಕು
ಕೋಮಲ ನೆನಪುಗಳ ಹಿಡಿತಕ್ಕೆ,
ಮುಪ್ಪಿಗೆ ಮರುವಿದೆ
ನೆನಪುಗಳು ಮುಪಾಗವು!!

                          -- ರತ್ನಸುತ