Tuesday, 6 May 2014

ಕಥೆ ಹೇಳುತ ಮುಂದೆ....

"ಇದಿಷ್ಟು ನನ್ನ ಕಥೆ"
ಎಂದು ತುಟಿ ಮುಚ್ಚಿದಳು;
ನನ್ನ ಕಥೆ ಮೊದಲಾಯ್ತು,
ಇನ್ನು ನಿಲ್ಲುವ ಸೂಚನೆಗಳಿಲ್ಲ!!

ಹುಟ್ಟಿನ ಗುಟ್ಟಿಗೆ ನಾಚಿದಳು,
ಪೋಲಿ ಅಂದಳು ನನ್ನ;
ಮೆಲ್ಲಗೆ ಅಧರವ ಜಗ್ಗಿದಳು
ತರುವಾಯ ಆಲಿಸುವ ಮುನ್ನ!!

ಬಾಹ್ಯ ಪರಿಚಯದ ಜೊತೆಗೆ
ಆಂತರ್ಯವನ್ನೂ ಅರಿತೆ
ಅಂತೆಯೇ ಆಕೆಯೂ;
ಇದೊಂದು ನೂತನ ವಿನಿಮಯ!!

ಕರಗುತ್ತಲೇ ಸೆರೆಯಾದಳು
ನನ್ನ ಬೊಗಸೆಯಾಕಾರವಾಗಿ;
ಬೆರಳ ಸಂದಿಯಲಿ ಮೆಲ್ಲಗೆ
ನುಸುಳಿ ಜಾರಿಕೊಂಡಳು ಹಾಗೆ!!

ಯಾವ ಗುಪ್ತ ಬೇಟಿಯೂ
ಇಷ್ಟು ಮುಕ್ತವಾಗಿರದೆ
ಕಾಲಹರಣವೇ ಆಗಿತ್ತು;
ಇಂದೋ ಬರಪೂರ ಬಳಕೆ!!

ಕಿಟಕಿಯಾಚೆ ಬೆಳದಿಂಗಳ ಪೋಳು,
ಒಳಗೆ ಕಣ್ಮಿಚಿನದ್ದೂ!!
ಮುಲುಗಾಟದ ನಡುವೆ ಹಾಡುವ ಸರದಿ
ಹೂವಿನದ್ದು!!

                                      -- ರತ್ನಸುತ

No comments:

Post a Comment

ನೀರವ ಸ್ಥಿತಿಯಲ್ಲಿ ಯಾರಿವನೆನ್ನದಿರು

ನೀರವ ಸ್ಥಿತಿಯಲ್ಲಿ ಯಾರಿವನೆನ್ನದಿರು ನೀನಿರದೆ ಈ ಗತಿ ಸಿದ್ಧಿಸಿತು ಜೀವಕೆ ಹಾಡುಹಗಲಲ್ಲಿ ನೀ ಆವರಿಸಿಕೊಂಡಿರುವೆ ಕನಸೊಂದು ಬೀಳುತಿದೆ ಗೊತ್ತಿದ್ದೂ ಬಾವಿಗೆ ಬ...