Friday 24 January 2014

ನವಿಲುಗರಿಯ ಹಾಡು

ನವಿಲುಗರಿಯೊಂದು 
ನಾಚಿದಂತನಿಸಿತು 
ನಿನ್ನ ಮುಖ ನೋಡಿ 
ಗಂಧರ್ವ ಲೋಕ
ನೆನಪಾಯಿತು ನಿನ್ನ 
ಹಾಡನ್ನು ಹಾಡಿ 

ಮನಸಲ್ಲಿ ಒಂದು 
ಸಣ್ಣ ಮನೆ ಮಾಡಿ 
ನಿನ್ನ ಹೆಜ್ಜೆ ಗುರುತ 
ಇರಿಸಲೇನು 
ಎಷ್ಟೆಲ್ಲಾ ಆಸೆ 
ಬಚ್ಚಿಟ್ಟುಕೊಂಡಿರುವೆ 
ಒಂದೊಂದೇ ಮೆಲ್ಲ
ಹೇಳಲೇನು?                                [೧]

ಕನಸುಗಳು ನಿನ್ನ ಕನವರಿಸಿವೆ 
ಕವನಗಳ ಬರೆದು ಕಾದಿರಿಸಿವೆ 
ಕಳವಳಕೆ ನೂರು ಕಾರಣವಿದೆ 
ಕರೆಯೋಲೆಗೆ ನೀ ಉತ್ತರಿಸದೆ 

ಮುತ್ತೊಂದ ನೀಡುವೆ 
ಬಳಿಗೆ ಬರಲು 
ಮಗುವಂತೆ ನಾ 
ನಿನ್ನ ಮಡಿಲು ಸಿಗಲು....               [೨]

ನವಿಲುಗರಿಯೊಂದು ....... 

ಅನುರಾಗ ಅರಳಿ ಹಾಡಾಯಿತು 
ಅನುಗಾಲ ನಿನ್ನ ಜಪವಾಯಿತು 
ಅನುಮಾನವೇಕೆ ಅಭಿಸಾರಿಕೆ 
ಅಭಿಮಾನಿ ನಾನು ನಿನ್ನಂದಕೆ 

ಅತ್ತಾಗ ಬರುವೆ 
ಮುತ್ತ ಸರಿಸಿ 
ನಿನ್ನೆದೆಗೆ ನನ್ನ 
ಉಸಿರು ಬೆರೆಸಿ .....            [೩]

ನವಿಲುಗರಿಯೊಂದು ....... 

                             -- ರತ್ನಸುತ 

No comments:

Post a Comment

ದಣಿವಾರಿ ಕೊಳದಲಿ

ದಣಿವಾರಿ ಕೊಳದಲಿ  ಕೆಂದಾವರೆ ಅರಳಿದೆ  ಮುಗಿಲೇರಿ ಬರದಲಿ  ಹನಿಗೂಡಲು ಇಳಿದಿದೆ  ರವಿಕಾಂತಿ ಸವಿಯುತ  ಹರಳಂತೆ ಮಿನುಗುತಾ  ಬೆರಗಲ್ಲೇ ತಯಾರಿಯಾಗುತಿದೆ  ಮನದಂಗಳ ಮುಂಜಾನೆಯ...