ಪ್ರೇಮಾನ್ವೇಷಣೆಯ ಪಯಣಕ್ಕೆ
ನಂಬಿಕೆಯ ರೆಕ್ಕೆ ಪಡೆದು
ಜೋಡಿ ಹಕ್ಕಿಗಳು ಸಜ್ಜಾಗಿವೆ
ನಂಬಿಕೆಯ ರೆಕ್ಕೆ ಪಡೆದು
ಜೋಡಿ ಹಕ್ಕಿಗಳು ಸಜ್ಜಾಗಿವೆ
ಒಲವ ಹಾದಿ, ಹಲವು ತಿರುವು
ಶೀತ-ಬಿಸಿಲು, ಮುಗಿಲು-ಕಡಲ
ಎಲ್ಲೆ ಮೀರ ಬಯಸಿವೆ
ಶೀತ-ಬಿಸಿಲು, ಮುಗಿಲು-ಕಡಲ
ಎಲ್ಲೆ ಮೀರ ಬಯಸಿವೆ
ಕೋಪ-ತಾಪ, ಮಿಂಚು-ಮಸಿ
ತ್ಯಾಗ-ಸ್ವಾರ್ಥ, ಬಾಳಿಗರ್ಥ
ತುಂಬಲೆಂದು ಹೊರಟಿವೆ
ತ್ಯಾಗ-ಸ್ವಾರ್ಥ, ಬಾಳಿಗರ್ಥ
ತುಂಬಲೆಂದು ಹೊರಟಿವೆ
ಗೆದ್ದು ಸೋತು, ಮುದ್ದು ಮಾಡಿ
ಪೆದ್ದು ಮನದ ಸದ್ದಿಗಾಗಿ
ಹೃದಯವನ್ನೇ ತೆರೆದಿವೆ
ಪೆದ್ದು ಮನದ ಸದ್ದಿಗಾಗಿ
ಹೃದಯವನ್ನೇ ತೆರೆದಿವೆ
ಜೀವ ತೇದು ರೂಪುಗೊಂಡ
ಭಾವವೊಂದ ಬಾಳಿಗಿಡಿದು
ಹೂವಿನಂತೆ ಅರಳಿವೆ!!
ಭಾವವೊಂದ ಬಾಳಿಗಿಡಿದು
ಹೂವಿನಂತೆ ಅರಳಿವೆ!!
-- ರತ್ನಸುತ
No comments:
Post a Comment