ಅರಿವಿನಿಂದೊಂದಿಷ್ಟು ದೂರ

ಅರಿವಿನಿಂದೊಂದಿಷ್ಟು ದೂರ
ಚೆಲ್ಲಿ ಹೋಗಿ ಸಕ್ಕರೆ
ಚೂರಾದರೂ ಉರುಳದೆ
ಜಡವಾಗಿಹೆ ಉಳಿದಲ್ಲೇ

ಅಂಜಿಕೆಯ ನೆರಳನೊಡ್ಡಿ
ಜೂಟಾಟವ ಆಡ ಬನ್ನಿ
ಮಂಜು ಗಡ್ಡೆ ಹೃದಯವೊಮ್ಮೆ
ಕರಗಿ ಹರಿದು ಹೋಗಲಿ


ನಾಲಿಗೆಯ ಬೆನ್ನಿಗೆ
ಕಚಗುಳಿ ಇಡಲು ಬಲ್ಲಿರಾ?
ಬದುಕಿ ಬಹಳ ಕಾಲವಾಯ್ತು
ನಗುವನ್ನೇ ಇರಿದು ಕೊಲ್ಲಿ!


ಕಣ್ಣೀರಿಗೆ ರೆಕ್ಕೆ ಸಿಕ್ಕು
ಹೇಳಿಯೇ ಹಾರಿ ಹೊರಟು
ಕಣ್ಣು ನೋಡು ನೋಡುತಿರಲು
ಹಾಗೇ ಮಬ್ಬು ಮುಸುಕಿತು?


ದೀಪ ಹಚ್ಚದಿರಿ ಇಂದು
ನಾಳೆಗಾಗಿ ಕಾಯುವೆ
ಕೋಪ ಶಾಂತಗೊಳ್ಳುವನಕ
ದೂರವೇ ನಿಲ್ಲುವೆ
ನಿಮ್ಮಂಥವರಿರಬೇಕು
ಇಲ್ಲದೆ
ನಮ್ಮಂಥವರಿಗೆ ನಮ್ಮರಿವಾಗದು...