ನಿನ್ನ ದನಿ ನನ್ನ ದನಿ

ನಿನ್ನ ದನಿ ನನ್ನ ದನಿ
ಏಕ ಮನ ಏಕ ಧಮನಿ
ನಿನ್ನ ಕುಲ ನನ್ನ ಕುಲ
ಪ್ರೇಮವಷ್ಟೇ ನಿರ್ಮಲ

ನಿನ್ನ ಅಳು ನನ್ನ ಅಳು
ಏಕ ಸ್ವರ ಏಕ ಮೌನ
ನಿನ್ನ ತುಮುಲ ನನ್ನದೂ
ಜೋಡಿ ಜೀವ ಬಂಧನ


ನಿನ್ನ ದಾರಿ ನನ್ನ ದಾರಿ
ಸೇರಿ ನಡೆವ ಆಟಕೆ
ನಿನ್ನ ಮೀರಿದೆಲ್ಲ ಸೇರಿ
ರದ್ದಿ ಕುಪ್ಪೆ ಜನ್ಮಕೆ


ನಿನ್ನ ಬಳಿ ನನ್ನ ಆಸೆ
ನನ್ನ ಮುಸಿ ಕೋಪವೂ
ಸಣ್ಣ ಗಾಳಿ ಸುಳಿಯದಷ್ಟು
ಜೋಡಿಸಿಟ್ಟ ಗಾಜಿದೋ
ನಾನು ನೀನು ಅನ್ನುವಷ್ಟು
ಅಂತರಕ್ಕೆ ಅಂಕವಿಲ್ಲ
ಅಂದವಾದ ಕವಿತೆ ನಿನ್ನ
ಸವಿದುಕೊಂಡೇ ಸವೆಯುವೆ


ನೀನು ನಾನು ಒಂದೇ ನೊಗ
ಬಾಳ ಬಂಡಿ ಕಟ್ಟುವ ಬಾ
ಏಳು ಬೀಳು ಎರಡಕ್ಕೂ
ನಾವೇ ಹೊಣೆಗಾರರು


ನೀನು ದೀಪ ಪ್ರೇಮ ರೂಪ
ಅಂತೆಯೇ ನಾ ನಿನಗೆ
ಹಾಡಿ ಮುಗಿಸೋ ವೇಳೆಗಲ್ಲಿ
ಸಿಹಿಯಾದ ಮಂಪರು