Monday 29 December 2014

ಸಲುಗೆಯ ಮೇರೆಗೆ

ನೀ ನನ್ನೆದುರಲ್ಲಿ ನಕ್ಕಂತೆ
ಬೇರೆಯಾರೆದುರಲ್ಲಿ ನಕ್ಕರೂ
ಹೃದಯಕ್ಕೆ ಕಾದ ದಬ್ಬಳವಿಟ್ಟಂತೆ;


ಈ ನೀಚತನವನ್ನ
ನೀ ಎಷ್ಟು ದೂರಿದರೂ ಸರಿಯೇ
ಈ ವಿಚಾರದಲಿ ನಾ ನೀಚನೇ!!


ಒಮ್ಮೆ ನನ್ನ ಸ್ಥಾನದಲ್ಲಿದು
ಒದ್ದಾಡಿ ನೋಡಿದ್ದರೆ
ಬೇನೆ ಅರ್ಥವಾದೀತು,
ಹೊರತು ಬೇರಾವ ದಾರಿಯಿಲ್ಲ


ಅವ ಅಣ್ಣನಂಥವನೋ, ಅಜ್ಜನಂಥವನೋ
ನನಗೆ ಬೇಡಾವ ಸಮಜಾಯಿಶಿ;
ಗಂಡಸಿನ ಬುದ್ಧಿ ಹೆಣ್ಣಿನಂತೆ
ಅನುಮಾನ ಪಡುವ ವಿಷಯದಲ್ಲಿ.
ನೋವಿಗೆ ಮುಲಾಮಿಲ್ಲ
ವಿಲಿ-ವಿಲಿ ಒದ್ದಾಟವಷ್ಟೇ ಬಳುವಳಿ!!


ಸರಿ, ಈಗ ಕ್ಷಮೆಯಾಚಿಸು,
ಕೋಪ ನೆತ್ತಿಯ ಸುಡುತಿದೆ
ಕಣ್ಣು ಕೆಂಪಾದರೆ ನೀ ಬೆದರುತ್ತೀಯ
ಅದ ನಾ ನೋಡಲಾರೆ


ಅಳದಿರು ಮಾರಾಯ್ತಿ
ಸಲುಗೆಯಲ್ಲಿ ಕಾಲೆಳೆದ ತಪ್ಪಿಗೆ
ಕಾಲಿಗೆ ಬಿದ್ದು ಬಿಡುತ್ತೇನೆ ಕ್ಷಮಿಸಿಬಿಡು!!


ಹಾ.. ಆ ನಗುವಿಗೆ ಹೆಸರೇನಿಡಲಿ?
ಅಂತೂ ದಿನ ಸಾರ್ಥಕ
ನಿನ್ನ ಸಿಟ್ಟಿನಿಂದ
ನನ್ನ ಪರಿಪಾಠದಿಂದ!!


--ರತ್ನಸುತ

1 comment:

  1. ಗಂಡಸಿನ ಬುದ್ಧಿ ಹೆಣ್ಣಿನಂತೆ
    ಅನುಮಾನ ಪಡುವ ವಿಷಯದಲ್ಲಿ
    exactly...

    ReplyDelete

ದಣಿವಾರಿ ಕೊಳದಲಿ

ದಣಿವಾರಿ ಕೊಳದಲಿ  ಕೆಂದಾವರೆ ಅರಳಿದೆ  ಮುಗಿಲೇರಿ ಬರದಲಿ  ಹನಿಗೂಡಲು ಇಳಿದಿದೆ  ರವಿಕಾಂತಿ ಸವಿಯುತ  ಹರಳಂತೆ ಮಿನುಗುತಾ  ಬೆರಗಲ್ಲೇ ತಯಾರಿಯಾಗುತಿದೆ  ಮನದಂಗಳ ಮುಂಜಾನೆಯ...