Monday, 29 December 2014

ಒಂದು ಹೆಜ್ಜೆ ದೂರ

ಓದಲು ಮುಂದಿಟ್ಟೂ ತೆರೆಯದ
ಪುಸ್ತಕದೊಳಗಿನ ಗುಟ್ಟೇ
ನಿನ್ನ ಕೆಂದುಟಿಯ ಕಮರಿದ ಸಾಲು?

ಅರ್ಧರ್ಧ ಹಂಚಿಕೊಂಡ ಕಣ್ಗಳು
ಪೂರ್ತಿ ಚಂದಿರನನ್ನೇ ನುಂಗಿದಂತಿವೆ,
ಮೇಲೆ ಬಾನಲ್ಲಿ ಅರೆ ಚಂದಿರನ ಗೋಳು!!


ಬಯಕೆಯ ಬಿಚ್ಚಿಡಲು ಹೆಚ್ಚು ಸಮಯ
ವ್ಯರ್ಥವಾಗಿ ವೃದ್ಧಾಪ್ಯ ನನ್ನ ಶಪಿಸುವಾಗ
ನಿನ್ನ ಚಿರಯೌವ್ವನ ಛೇಡಿಸಲಿ

ಬಿರುಗಾಳಿ ಎಬ್ಬಿಸಬಲ್ಲ ಮೌನದೊಳಗೂ
ಒಮ್ಮೆ ಮಿಂದೆದ್ದು ಏದುಸಿರು ಬಿಡುವಾಗ
ಕನಿಕರದ ಹಸ್ತವ ಎದೆಗಿಟ್ಟು ನೀವು

ಕಾಲ್ಬೆರಳ ಮೆಟ್ಟುವ ಶಾಸ್ತ್ರಕ್ಕೆ
ಕಾಲ ಕೂಡಿ ಬರಬೇಕಿಲ್ಲ

ಎದುರು-ಬದುರು ನಿಂತದ್ದಾಗಿದೆ
ನಿನ್ನದೊಂದು ಹೆಜ್ಜೆ, ನನ್ನದೊಂದು ನಡುಕ
ಅಲ್ಲಿಗೆ ಎದೆಗೆದೆ ತಾಕಿ
ಉಸಿರಾಟ ಕೇಳಬಹುದು
ಕಾದಿರುವೆ ಕ್ಷಣಕೆ
ಎಚ್ಚೆತ್ತ ಮನಕೆ ತೂಕಡಿಕೆ ತರಿಸಿ!!

-- ರತ್ನಸುತ

No comments:

Post a Comment

ನೀರವ ಸ್ಥಿತಿಯಲ್ಲಿ ಯಾರಿವನೆನ್ನದಿರು

ನೀರವ ಸ್ಥಿತಿಯಲ್ಲಿ ಯಾರಿವನೆನ್ನದಿರು ನೀನಿರದೆ ಈ ಗತಿ ಸಿದ್ಧಿಸಿತು ಜೀವಕೆ ಹಾಡುಹಗಲಲ್ಲಿ ನೀ ಆವರಿಸಿಕೊಂಡಿರುವೆ ಕನಸೊಂದು ಬೀಳುತಿದೆ ಗೊತ್ತಿದ್ದೂ ಬಾವಿಗೆ ಬ...