ಹಾಲು-ಸಕ್ಕರೆ

ಸಕ್ಕರೆ ಬೆರೆಸಿದ ಹಾಲಲ್ಲಿ
ಕೆನೆಗಟ್ಟಿದವಳೇ,
ತಳದಲ್ಲಿ ಉಳಿದ ಕರಗದ ಗಡ್ಡೆ
ನಿನ್ನ ಮನಸು!!

ಸವಿದಾಗ ನೀ ನನ್ನ
ತುಟಿಗೆ ಅಂಟಿದ್ದೂ
ಅರ್ಧ ಲೊಟದಲ್ಲೇ ಉಳಿದೆ
ಪೂರ ನನ್ನವಳಾಗದೆ;

ನಾಲಗೆಯ ಸುಡುವ ಬಿಸಿ ಹಾಲು;
ಮನಸನ್ನ ಬೇಗ ತಲುಪುವುದು
ಅಷ್ಟು ಸಲೀಸಲ್ಲ,
ಅವಸರವ ಗಂಟಲು ಸಹಿಸಲ್ಲ!!

ವಾಸ್ತವದಲ್ಲಿ ನನಗೆ 
ಕೆನೆ ಅಂದರೆ ಅಲರ್ಜಿ,
ತಳದಿ ಕರಗದೆ ಉಳಿದ
ಸಕ್ಕರೆ ಮನಸಿನ ಮೇಲೇ ಮನಸು;

ಬಿಸಿಯ ಸಾಂತ್ವನಕ್ಕೆ
ಅದೆಷ್ಟು ಉಸಿರು ಪೋಲಾಯಿತೋ!!
ಲೆಕ್ಕ ಹಾಕಿದವರಾರು?
ನಿನ್ನ ಮನಸ್ಸನ್ನೇ ಕೇಳಿದರಾಯ್ತು!!

ಕಲೆಸಿ ನೊರೆಯೆಬ್ಬಿಸುವ ಆಸೆ,
ಹಿಂದೆಯೇ 
ಮನಸು ಒಡೆಯಬಹುದೇನೋ ಎಂಬ ಭಯ;
ನೀನು ನಿಜಕ್ಕೂ ಚಂಚಲೆ!!

ಹಾಲೊಲ್ಲದೆ ಚೆಲ್ಲಿ
ಮನಸನು ಮಾತ್ರ ಮೋಹಿಸಲೊಲ್ಲೆ;
ಒಲವಿಂದ ಎರಡನ್ನೂ ಹದವಾಗಿ ಬೆರೆಸಿ
ಸವಿಯುವ ಕಾಲಕ್ಕೆ ಕಾದ
ಕೆಟ್ಟು ನಿಂತ ಗಡಿಯಾರ ನಾನು!!

                               -- ರತ್ನಸುತ

Comments

  1. ನಿಮ್ಮ ಕಲ್ಪನೆಗಳೇ ಸಾಕಾರವಾಗುವಂತೆ ಆ ’ಅವಳು’ ನಿಮ್ಮ ಬಾಳಲೂ ಬರಲಿ ಬೇಗನೇ!

    ReplyDelete

Post a Comment

Popular posts from this blog

ಜೋಡಿ ಪದ

"ಪಾಸ್ವರ್ಡ್" - RESET ಆಗ್ತಿರ್ಲಿ ಆಗಾಗ!!!

ಗರುಡ ಪ್ರಯತ್ನ ೩