ಕಣ್ಣು ಕಣ್ಣಲ್ಲೇ ಮಾತನಾಡುವಾಗ

ಕಣ್ಣು ಕಣ್ಣಲ್ಲೇ ಮಾತನಾಡುವಾಗ

ನಿಂತು ನಿಂತಲ್ಲೇ ಲೂಟಿಯಾಗುವಾಗ

ನೀನು ನಾನು ಸೇರೋ ದಾರಿ ಚಂದವೀಗ

ಕಣ್ಣಿನಲ್ಲೇ ..ಕಣ್ಣಿನಲ್ಲೇ .. ಕೊಲ್ಲೋ ನಲ್ಲೆ.. ಓ..

ಕಣ್ಣು ಕಣ್ಣಲ್ಲೇ ಮಾತನಾಡುವಾಗ

ಕಣ್ಣಿನಲ್ಲೇ ..ಓ.. ಕಣ್ಣಿನಲ್ಲೇ..ಓ.... ಕಣ್ಣಿನಲ್ಲೇ..ಓ ಕೊಲ್ಲೋ ನಲ್ಲೆ.. ಓ..

ನೇರ ಏನನ್ನೂ ಹೇಳಲಾಗುತಿಲ್ಲ 

ಇನ್ನು ಬೇರೇನೂ ಕೇಳಲಾಗುತಿಲ್ಲ 

ಪೂರಾ ನಿನ್ನಲ್ಲೇ ಲೀನನಾದೆನಲ್ಲ 

ನೀನೇ ಈಗ ಎಲ್ಲ, ನೀನೇ ಈಗ ಎಲ್ಲ

ದೂರ ಆದಾಗ ಕನ್ನೆಗಂಟಿ ತೇವ

ಬಾಕಿ ಬಾಳಲ್ಲಿ ಪ್ರೀತಿಗೆ ಅಭಾವ

ಮಿಂಚಿ ಹೋದಂತೆ ನೀಗು ನನ್ನ ನೋವ

ನೀನೇ ನನ್ಮ ಜೀವ, ನೀನೇ ನನ್ನ ಜೀವ..

*******

ಖಾಲಿ ಆದಂತೆ ತುಂಬಿದಾಗ ಭಾವ 

ಇನ್ನು ಬಾಳಲ್ಲಿ ಏನಿದೆ ಅಭಾವ 

ಮಿಂಚಿ ಹೋದಂತೆ ನೀಗು ನನ್ನ ನೋವ

ನೀನೇ ನನ್ಮ ಜೀವ, ನೀನೇ ನನ್ನ ಜೀವ..

ಕಣ್ಣು ಕಣ್ಣಲ್ಲೇ ಹೇಳದೇ ವಿದಾಯ

ಮಾತು ಮಾತಲ್ಲೇ ಮಾಡೆಯಾ ಸಹಾಯ

ನೀನು ನಾನು ಕೂಡೋ ಜಾಗ

ಕಣ್ಣಿನಲ್ಲೇ ..ಕಣ್ಣಿನಲ್ಲೇ .. ಕೊಲ್ಲೋ ನಲ್ಲೆ.. ಓ..

ಹಳೆಯ ಕಂತುಗಳು ನೀಗಿದಂತೆ

ಹಳೆಯ ಕಂತುಗಳು ನೀಗಿದಂತೆ  

ಮನದಿ ಸಣ್ಣ ನೀರವತೆ 

ರೆಪ್ಪೆ ಕದಲಿದರೆ ಕಂಬನಿ 

ಕಣ್ಣ ಚೌಕಟ್ಟಿನಾಚೆ ಪಸೆ 

ಅದರುವ ಬೆರಳುಗಳ ಹಿಡಿ ಮಾಡಿ 

ಸುತ್ತ ತಲೆಯೆತ್ತಿದ ಗೋಡೆಗೆ 

ಒಂದು ಜೋರಾದ ಗುದ್ದು 

ಆಚೆ ಯಾರೋ ಅರಚಿದ ಸದ್ದು 

ನನ್ನದೇ ದನಿಯಲ್ಲಿ 

ಹಲ್ಲು ಕಚ್ಚಿ, ಹಸಿವ ನುಂಗಿ 

ಉದರಕ್ಕೆ ಅದರದ್ದೇ ರುಚಿಯ ಕೊಟ್ಟು 

ಬದಿಗೆ ಸುಟ್ಟ ಬಯಕೆಗಳ 

ಕಾವು ನೀಡಿದಂತೆ ಉರಿ 

ತಗ್ಗುವುದನ್ನೂ ಸಂಭ್ರಮಿಸುವ 

ಔಚಿತ್ಯ ಹೃದಯಕೆ 

ಎಲ್ಲ ಭಾರಗಳ ಇಳಿಸಿ 

ನಾನೇ ಇಲ್ಲವಾದಾಗ

ಹೇರಿಕೊಳ್ಳುತ್ತಿದ್ದಂತೆ 

ಮತ್ತೆ ಭಾರವಾದೆ 

ಹೊರುವುದೂ ಜೀವನದ ಭಾಗ 

ಬಿಟ್ಟು ಹೊರಡುವುದಷ್ಟೇ ಅಲ್ಲ  

ಯಾರಿಂದಲೋ ಗುರುತಿಸಲ್ಪಡುವ

ಅಸಲಿಗೆ ನನ್ನದಲ್ಲದ ಪ್ರಭೆ

ನನ್ನನ್ನೂ ಸಹ ಮರೆಮಾಚುವ  

ಸೂಕ್ಷ್ಮ ಅರಿವಿಗೆ ಬರುವುದರೊಳಗೇ 

ಭ್ರಮೆಯಿಂದ ಹೊರ ಬರಬೇಕು 

ಯಾರಿಗಾಗಿ ಯಾರು ಎಂದು

ಯಾರಿಗಾಗಿ ಯಾರು ಎಂದು

ಎಂದೋ ನಿಶ್ಚಯಿಸಿದಂತೆ 

ಎದುರಾಗೋ ವೇಳೆ ಪ್ರೀತಿ 

ವಿನಿಮಯವಾಗುವಂತೆ 

ಜೋಡಿಗೂಡಿದಂತೆ ನಾವು 

ಸಾಗಿ ಬಂದ ದಾರಿಯಲ್ಲಿ

ಮತ್ತೆ ಪ್ರೀತಿ ಮೂಡಿಸುವ

ಹೊಚ್ಚ ಹೊಸ ರೀತಿಯಲ್ಲಿ 

ಹತ್ತಿರಕ್ಕೆ ಯಾರೋ ಬಂದು

ಚಂದ ಉತ್ತರಿಸುವಂತೆ 

ಪ್ರಶ್ನೆ ಇಡೋ ಹೃದಯವೇ 

ಮೂಕವಾಗಿ ಹೋಗುವಂತೆ

ನಾನು ಯಾರೋ, ನೀನು ಯಾರೋ

ಯಾವ ಜನ್ಮ ನಂಟು ಇದು

ಸೇರಿಸಿದೆ ನಮ್ಮ ಹೀಗೆ

ಮತ್ತೆ ಪ್ರೀತಿ ಮೂಡೋ ಹಾಗೆ

ಮರೆಯದೆ ಬರುವೆ ಖಂಡಿತ

ಉಡುಗೊರೆಯೊಡನೆ ಕಾದಿರು 

ಜಗದಲಿ ಒಲವೇ ಶಾಶ್ವತ 

ಜಗವೇ ಅಳಿದು ಹೋದರೂ 

ಖುಷಿಯ ಚಿಲುಮೆ 

ಒಲಿದ ಒಲುಮೆ 

ರಾಗದಂತೆ ಕೂಡೋವಾಗ  

ಹುಟ್ಟುವುದು ಅನುರಾಗ  

ಯಾರಿಗಾಗಿ ಯಾರು ಎಂದು

ಎಂದೋ ನಿಶ್ಚಯಿಸಿದಂತೆ 

ಎದುರಾಗೋ ವೇಳೆ ಪ್ರೀತಿ 

ವಿನಿಮಯವಾಗುವಂತೆ 

ಹಲವು ಬಾರಿ ಮೂಕನಾಗಿ ಹೋಗೋ ಸಂಭವ 

ದೂರವಾಗಿ ಸನಿಹವಿರುವ ಹುಚ್ಚು ಅನುಭವ 

ರಾರಾಜಿಸೋ ಬಯಕೆಯ, ಈಡೇರಿಸು ಮನಸಲಿ 

ಆರಂಭವೇ ಸುಂದರ, ಅಂತೆಯೇ ಮಧ್ಯಂತರ 

ನೇರಾ ನೇರಾ ಮಾತಿರಲಿ

ಮುಖತಃ ನಗುವಲಿ 

ಸುಖದ ಅಲೆಯ ತರೋ 

ಕಡಲ ಆ ತೀರದಲಿ 

ಸರಿವ ಸಮಯಕಿದೋ

ನೆನೆವ ನೆಪವ ಕೊಡು

ಬಿಡಿಸಿಡುವೆನು ಇಗೋ 

ಪುಟಗಳ ಮಡಿಲಲಿ 

ಮರೆಯದೆ ಬರುವೆ ಖಂಡಿತ

ಉಡುಗೊರೆಯೊಡನೆ ಕಾದಿರು 

ಜಗದಲಿ ಒಲವೇ ಶಾಶ್ವತ 

ಜಗವೇ ಅಳಿದು ಹೋದರೂ 

ಖುಷಿಯ ಚಿಲುಮೆ 

ಒಲಿದ ಒಲುಮೆ 

ರಾಗದಂತೆ ಕೂಡೋವಾಗ  

ಹುಟ್ಟುವುದು ಅನುರಾಗ  

ಯಾರಿಗಾಗಿ ಯಾರು ಎಂದು

ಎಂದೋ ನಿಶ್ಚಯಿಸಿದಂತೆ 

ಎದುರಾಗೋ ವೇಳೆ ಪ್ರೀತಿ 

ವಿನಿಮಯವಾಗುವಂತೆ 

ಈ ಮೋಹವಾಗುವ ವೇಳೆ

ಈ ಮೋಹವಾಗುವ ವೇಳೆ

ಸಂದೇಹ ಮೂಡದು ಏಕೆ?

ಕಣ್ಣಲ್ಲೇ ಸಾಗುವ ಮಾತು 

ಮಿಂಚಾಗಿ ಹೊಮ್ಮಿತು ಏಕೆ?

ನಿನ್ನನ್ನು ದಾಟಿ  ಬಿಗಿ ಮೌನ

ನನ್ನಲ್ಲಿ ತಾಳಿದೆ ಏಕೆ?

ಮುಗಿಲುಗಳು ನಮ್ಮನ್ನೇ ಹೋಲೋ ಹಾಗಿವೆ

ಒಂದಾಗಲು ತವಕಿಸಿ 

ತಳಮಳದಲೇ ನಿಂತಿವೆ 

ಮುಗಿಲುಗಳು ನಮ್ಮನ್ನೇ ಹೋಲೋ ಹಾಗಿವೆ

ಹೇ ಬಿರುಸಾಗಿ ಬೀಸುತ್ತಿದೆ ತಂಗಾಳಿ 

ಆಗೋಣ ಮಳೆಗೆ ಕಾರಣ... 

ಅಂಗಳದಲಿ ಹೂವೆಲ್ಲ ಅರಳಿ ನಿಂತಿವೆ 

ಬೇಕಾದುದ ಆರಿಸು 

ನಿವಾರಿಸು ಬಯಕೆಯ 

ಅಂಗಳದಲಿ ಹೂವೆಲ್ಲ ಅರಳಿ ನಿಂತಿವೆ 

ಈ ಕ್ಷಣವನ್ನು ನೆನಪಿಟ್ಟರೆ ಒಲವಲ್ಲಿ 

ವಿರಹಕ್ಕೆ ಇರದು ಕಾರಣ.. 

ಕಾಡುವಂತೆ ನೀ ನೆನಪಾಗುವೆ

ಕಾಡುವಂತೆ ನೀ ನೆನಪಾಗುವೆ

ಊಹೆಯ ತುಂಬ ಆವರಿಸುವೆ   

ಕಾಡುವಂತೆ ನೀ ನೆನಪಾಗುವೆ

ದಾಹದ ವೇಳೆಯೂ, ನೀನೇ ನೀರಾಗುವೆ 

ಜೀವ ಕಾಪಾಡೋ ಉಸಿರಾಗುವೆ  

ಕಾಡುವಂತೆ ನೀ ನೆನಪಾಗುವೆ

ನೀಡದೇ ಕಾರಣ ಮಾಯವಾದಾಗ ನೀ 

ಸಾವಿನ ಅಂಚಿಗೆ ದೂಡಿದಂತಾಗಿದೆ 

ನೋಡು ಏಕಾಂತವೇ ದಾರುಣ 

ನೋವಿಗೂ ನಿನ್ನನೇ ಕೂಗುವೆ

ಕಾಡುವಂತೆ ನೀ ನೆನಪಾಗವೆ...

ಉತ್ತರ ಇಲ್ಲದ ಪ್ರಶ್ನೆಯ ಕೇಳುತ

ರೇಗಿಸಿ ಮೌನದಿ ಸೋಲಿಸು ಹಾಗೆಯೇ

ಇಂಗಿದ ಕಣ್ಣನು ತಾಕುತ

ಬಾಷ್ಪಕೂ ಭಾಷೆಯ ಕಲಿಸುವೆ 

ಕಾಡುವಂತೆ ನೀ ನೆನಪಾಗವೆ...

ನೂಪುರ ನಾಚಿದೆ ನಾಟ್ಯವ ಆಡಲು 

ತಾಳವು ನಿನ್ನಲಿ ಲೀನವಾದಂತಿದೆ 

ಜೀವ ನೀನಾದರೆ ಹಾಡಿಗೆ 

ನಿನ್ನನು ಕೂಡಿ ನಾ ಹಾಡುವೆ  

ಕಾಡುವಂತೆ ನೀ ನೆನಪಾಗವೆ...

ಮತ್ತೆ ಮತ್ತೆ ಸದ್ದು ಮಾಡಿದಂತೆ

ಮತ್ತೆ ಮತ್ತೆ ಸದ್ದು ಮಾಡಿದಂತೆ 

ಹದ್ದು ಮೀರಿ ಪುಟ್ಟ ಗುಂಡಿಗೆ 

ನಿನ್ನ ಜೊತೆ ಸಾಗಿ ಬಂದ ಮೇಲೆ  

ಮತ್ತು ಇನ್ನೂ ಹೆಚ್ಚಿದಂತಿದೆ... ಯೇ 

ನಾಳೆಗಳ ಪರಿಚಯಿಸೋ ಪ್ರೀತಿ 

ರೋಮಾಂಚನಗೊಳಿಸೋ ಪ್ರೀತಿ 

ಬಾಳಿಗೆ ನೆರವಾಗುವ ರೀತಿಯ ಹೇಗೆ ಹಾಡಿ ಹೊಗಳುವುದು... 

ಮತ್ತೆ ಮತ್ತೆ ಸದ್ದು ಮಾಡಿದಂತೆ 

ಹದ್ದು ಮೀರಿ ಪುಟ್ಟ ಗುಂಡಿಗೆ 

ನಿನ್ನ ಜೊತೆ ಸಾಗಿ ಬಂದ ಮೇಲೆ   

ಮತ್ತು ಇನ್ನೂ ಹೆಚ್ಚಿದಂತಿದೆ.. 

ಬಣಗುಡುವ ಮರದಲಿ ಚಿಗುರಿನ 

ಹೊಸ ಬಯಕೆಗಳ ಚಿಲುಮೆ 

ಭ್ರಮರಗಳು ವಲಸೆ ಬಂದಿವೆ

ಸುಮಗಳ ಸಳೆತದ ಮಹಿಮೆ 

ಅನುಭವಿಸಿ ಹೊಸೆಯುವ ಪದಗಳು 

ಕಿರು ಕವಿತೆಗಳಾಗುತಿವೆ 

ತುದಿಯಲ್ಲೇ ಉಳಿದರೂ ಮಾತು 

ನಾಲಿಗೆಯು ತೊದಲುತಿದೆ 

ಈ ನಡಿಗೆ.. ಈ ನಡಿಗೆ

ನಿನ್ನೆಡೆಗೆ

ಪ್ರತಿ ಗಳಿಗೆ... ಪ್ರತಿ ಗಳಿಗೆ

ಮೌನ..ಪರಾಗದಂತೆ ಹೂವಿನಲ್ಲಿ

 ಮೌನ..ಪರಾಗದಂತೆ ಹೂವಿನಲ್ಲಿ 

ಮೌನ.. ಸರಾಗವಾಗಿ ಸೇರುವೆ ನಿನ್ನ  

ಮೌನ.. ತಯಾರಿ ಮಾಡಿಕೊಳ್ಳದಂತೆ  

ಮೌನ.. ಸುಮಾರು ಬಾರಿ ಕೂಗಿವೆ ನಿನ್ನ  

ಇದೋ ಹೊಸ ಕತೆ 

ಜೊತೆ ಕೊಡು ನೀನಾಗಿಯೇ 

ನಿಂತಲ್ಲಿ ದೂಡು ನನ್ನ 

ಪಡೆವಂತೆ ಪ್ರಾಣವನ್ನ 

ಕಾಡೋ ಮೌನ.. ಸವಾಲಿನಂತೆ ನಿಂತೆ ನೀನು 

ಮೌನ.. ಸಿಗು ಜವಾಬು ನೀಡುವ ಮುನ್ನ  

ಮೌನ.. ಸಮೀಪವಾಗಿ ದೂರವಾಗೋ

ಮೌನ.. ಸುನಾದವಾಗಿ ನೀಗು ನೋವನ್ನ     

ಭಾರವಾದಂತಿದೆ, ಮಾತಿನ ಕಂತೆಯು 

ಸಣ್ಣದಾದ ವಿರಾಮ ಅಂತೂ ಬೇಕಾಗಿದೆ  

ಮುಳ್ಳಿನ ಹಾಸಿಗೆ, ನೀಡುವ ನೋವನು 

ತಾಳಿದಂತೆ ಕಾಣೋ ಕನಸು ಈಗ ಸಾಕಾಗಿದೆ    

ಮೌನ.. ನಿಧಾನ ಮಾಡಲೇಕೆ ಇನ್ನು 

ಮೌನ.. ಕರಾರು ಮಾಡಿಕೋ ನೀ ನನ್ನನ್ನ 

ಮೌನ.. ವಿರಾಜಮಾನವಾಗಿ ನಿಲ್ಲು

ಮೌನ.. ಮುಲಾಜು ನೋಡಲೇಕೆ ನೀ ಇನ್ನ 

ಇದೋ ಹೊಸ ಕತೆ 

ಜೊತೆ ಕೊಡು ನೀನಾಗಿಯೇ 

ನಿಂತಲ್ಲಿ ದೂಡು ನನ್ನ 

ಪಡೆವಂತೆ ಪ್ರಾಣವನ್ನ 

ಕಾಡೋ ಮೌನ.. ಸವಾಲಿನಂತೆ ನಿಂತೆ ನೀನು 

ಮೌನ.. ಸಿಗು ಜವಾಬು ನೀಡುವ ಮುನ್ನ  

ಮೌನ.. ಸಮೀಪವಾಗಿ ದೂರವಾಗೋ

ಮೌನ.. ಸುನಾದವಾಗಿ ನೀಗು ನೋವನ್ನ