Friday, 20 February 2015

ಮಿಂಚಿ ಮಾಯವಾದ ಕಲ್ಪನೆ

ಮುಂಜಾನೆ ಎಚ್ಚರವಾಗಿ
ನಿಧಾನಕ್ಕೆ ಕಣ್ಬಿಟ್ಟು ನೋಡಿದೆ
ಬಿಸಿ ಚಹ ಲೋಟದ ಹೊಗೆ
ಅವಳ ಮೊಗವ ಮರೆಸುತ್ತಿತ್ತು

ಅವಳೋ ಆಗಲೇ ಮನೆಗೆಲಸ ಹಿಡಿದು
ಜಳಕ ಮುಗಿಸಿ ತುರುಬು ಬಿಗಿಸಿದ್ದು
ಇನ್ನೂ ಆರಿಲ್ಲದ ಮುಂಗುರುಳ
ಹನಿ ಜಾರಿ ರವಿಕೆ ಹಸಿಯಾಗಿತ್ತು;
ಎಚ್ಚರವಾಗಿದ್ದು ಕಣ್ಣಿಗಷ್ಟೇ ಅಲ್ಲ

ಹೃದಯವೂ ಒಮ್ಮೆ ನಿಬ್ಬೆರಗಾಗಿ
ಜೋರಾಗಿ ಬಡಿದುಕೊಂತು!!

ರಾತ್ರಿಯಿಡೀ ನಡೆದದ್ದು
ಸುಂದರ ಕಲ್ಪನೆಯೋ ಎಂಬಂತೆ
ನಿಜವಾಗಿಸಿಕೊಳ್ಳುವ ಹುರುಪು;
ಎದೆಯ ನೂಕಿ ದೂರ ಸರಿದು

ಟವಲ್ಲು ಮುಖಕ್ಕೆ ಬಿಸಾಡಿ
"
ಫ್ರೆಶಪ್ಪಾಗಿ ಬನ್ನಿ" ಅಂದಳು

ಬಯಕೆಗಳ ಹೇಗೋ ಬಚ್ಚಿಟ್ಟು
ಕೋಣೆಯಿಂದ ಜಾರಿಕೊಂಡವಳು
ಮತ್ತೆ ನೀರಿಗೆ ಬರದೇ ಇರುವಳೇ?!!
ಬಚ್ಚಲಮನೆಯಿಂದ ಕೂಗಿದೆ

"
ಪೇಸ್ಟೆಲ್ಲಿ, ಸೋಪೆಲ್ಲಿ, ಶಾಂಪೂsss??"
ಎಲ್ಲಕ್ಕೂ ಮೌನವೇ ಉತ್ತರ!!


ಮನೆಯಾಚೆ ಹೆಜ್ಜೆ ಇಟ್ಟಮೇಲೆ
ದಾರಿ ಮರೆತವನಂತೆ ನೂರು ಬಾರಿ ಹಿಂದಿರುಗಿ
ಏನಾದರೂ ಕೊಡಬಹುದೆಂಬ ಎದುರು ನೋಟ;
ಅದೇ ತುಂಟ ಮಂದಹಾಸ ಹೊತ್ತು

ಮಾಡಿದಳು ಟಾಟ!!

-- ರತ್ನಸುತ

No comments:

Post a Comment

ನನ್ನ ಕನಸು

ಪಕ್ಕದಲ್ಲೇ ನನ್ನ ಕನಸಿಗೆ ನಿದ್ದೆ ಹೊದಿಸಿ ನಾ ಎಚ್ಚರಗೊಂಡಿರುತ್ತೇನೆ ತೂಗು ತೂಕಡಿಕೆಯಲಿ, ನಡು ರಾತ್ರಿ ಮಂಪರಲಿ ... ಪೂರ್ತಿ ಮೈ ಮರೆಯದೆ, ಗೊರಕೆ ಹೊಡೆಯದೆ ಕೈ-ಕಾ...