Friday, 20 February 2015

ಅಮ್ಮ ಹಚ್ಚಿದ ಒಲೆ

ಹಾಲು ಉಕ್ಕುವ ಸಮಯ
ಯಾರಾದರೂ ಹಾಜರಿರಬೇಕು
ಒಲೆಯ ಮುಂದೆ ಕಾವೀಸಿಕೊಂಡು

ಹೇಮಂತ ಋತುವಿನ ಶೀತಲ ಮುಂಜಾವಿನಲ್ಲಿ
ಮೈ ಮರೆತದ್ದೂ ತಿಳಿಯಲಿಲ್ಲ
ಹಾಲು ಉಕ್ಕಿದ್ದನ್ನೂ ಗಮನಿಸಲಿಲ್ಲ
ಕೆಂಡಕೆಲ್ಲ ಕ್ಷೀರಾಭಿಷೇಕ
ಅಮ್ಮನಂಥ ಒಲೆಗೆ ಕೆನೆಯ ಪಾಕ

ಕಮಟು ಆವರಿಸಿ ಕೋಣೆ
ಥೇಟು ಅಪ್ಪನ ಅಂಗಿ
ದುರ್ನಾತದಲೂ ಅಲ್ಲಿ
ಹುಚ್ಚು ಆನಂದ,
ಅಮ್ಮ ಬರುವ ಮುನ್ನ

ಕದ್ದೋಡು ಮುಕುಂದ!!

ಊಟದ ವೇಳೆಗೆ ಇಣುಕಿ
ಅಮ್ಮನಿಲ್ಲದ್ದ ಅರಿತು
ಅಡುಗೆ ಮನೆಯೊಳ ನುಸುಳಿ
ಘಮ-ಘಮಿಸುವ ಭಕ್ಷ್ಯ
ಒಲೆಯ ಸುತ್ತ

ಚುಕ್ಕಿಯ ಬಳಸಿ ರೇಖೆ
ಸಿಂಗಾರಗೊಂಡಿತ್ತು ಮದುವಣಗಿತ್ತಿಯಂತೆ!!

ಅಮ್ಮ ಹಚ್ಚಿದ ಒಲೆ
ಆರಿತ್ತು ವೇಳೆ
ಸೌದೆಯಿಟ್ಟು ಊದುಗೊಳವೆ ಹಿಡಿದೆ
ಹಿಂದಿನಿಂದ ಸಿಹಿ ಪೆಟ್ಟು ಪಡೆದೆ!!

-- ರತ್ನಸುತ

No comments:

Post a Comment

ನೀರವ ಸ್ಥಿತಿಯಲ್ಲಿ ಯಾರಿವನೆನ್ನದಿರು

ನೀರವ ಸ್ಥಿತಿಯಲ್ಲಿ ಯಾರಿವನೆನ್ನದಿರು ನೀನಿರದೆ ಈ ಗತಿ ಸಿದ್ಧಿಸಿತು ಜೀವಕೆ ಹಾಡುಹಗಲಲ್ಲಿ ನೀ ಆವರಿಸಿಕೊಂಡಿರುವೆ ಕನಸೊಂದು ಬೀಳುತಿದೆ ಗೊತ್ತಿದ್ದೂ ಬಾವಿಗೆ ಬ...